Carex macloviana

Ættkvísl

Nafn

macloviana

Íslenskt nafn

Ætt

Cyperaceae (Stararætt)

Samheiti

C. incondita F. J. Hermann

Lífsform

Fjölær grasleitur einkímblöðungur

Kjörlendi

Vex á þurru valllendi, graslendi og grasbollum.

Blómgunartími

Júlí-ág.

Hæð

0.15 - 0.30 m

Vaxtarlag

Myndar þúfur eða kolla. Stráin gróf, grágræn, stinn, dálítið snörp, sljóstrend og upprétt og lítið eitt sveigð neðst, 15-30 sm á hæð.

Lýsing

Blöðin grá- eða blágræn, stutt og breið, flöt og með kili, gljáandi, snarprend, þrístrendofan til, gárótt, styttri en stráið og aðeins neðantil á því, 2-3 mm á breidd. Öxin dökkbrún, stutt en gild, í þéttum keilulaga kolli efst á stráinu, 10-15 mm á lengd og 8-12 mm á breidd. Axhlífarnar breiðar, rauðbrúnar með stuttum oddi, með himnukennda jaðra. Hulstrið með himnufaldi, 4,5 mm á lengd, með stuttri og sléttri, tenntri trjónu sem mjókkar jafnt upp á við. Tvö fræni. Blómgast í júlí. 2n = 86.LÍK/LÍKAR: Engar. Auðþekkt á hinni dökkbrúnu, gljáandi, axþyrpingu.

Heimildir

1,2,3,9, HKr, http://www.efloras.org/florataxon.aspx?flora_id=1&taxon_id=242357312

Útbreiðsla

Nokkuð víða kringum Eyjafjörð og í S.-Þingeyjarsýslu, annars sjaldgæf. Finnst allvíða á smáblettum á landræna svæðinu norðan jökla, algengust í inndölum norðanlands. Stakir fundarstaðir ná vestur að Miðfirði og suður yfir miðhálendið.Önnur náttúrleg heimkynni t.d.: Grænland, N Ameríka, S Ameríka, N Evrópa.