Carex bigelowii

Ættkvísl

Nafn

bigelowii

Ssp./var

ssp. rigida

Höfundur undirteg.

W. Schulze-Motel., Willdenowia

Íslenskt nafn

Ætt

Cyperaceae (Stararætt)

Samheiti

Carex fyllae HolmCarex rigida Good.Carex saxatilis SchkuhrCarex bigelowii subsp. nardeticola Holub

Lífsform

Fjölær grasleitur einkímblöðungur

Kjörlendi

Vex í þurrlendi, í móum og stundum í votlendi, einkum til fjalla.

Blómgunartími

Júní-júlí

Hæð

0.1 - 0.5 m

Vaxtarlag

Lágvaxin og þétt með skriðula jarðstöngla. Ýmist þýfðar eða ekki. Sterkur skriðull jarðstöngull. Jarðstönglar grófir með gljáandi, með dökkrauðbrúnum slíðrum og mörgum, bogsveigðum, sterkum renglum. Stráin beinvaxin, stinn og hörð, slétt, hvassþrístrend, 15-40 sm á hæð.

Lýsing

Blöðin ljósgræn eða gulgræn, 2,5-4,5 mm á breidd, stinn, sveigð aftur og flöt með niðurorpnum röðum. Stoðblaðið með svörtum eyrum, og nær tæpast upp að karlaxinu, slíður stoðblaðsins örstutt, oftast svart.Allbreytileg tegund, yfirleitt með einu karlaxi í toppinn og tveim, sjaldnar þrem uppréttum, legglausum kvenöxum. Axhlífarnar stuttar, svartar eða mósvartar, snubbóttar, sjaldnar yddar, oft nær kringlóttar með mjórri, ljósri miðtaug. Hulstur græn eða nær svört, trjónulaus eða stutttrýnd, gljáalaus. Blómgast í júní-júlí. LÍK/LÍKAR: Mýrastör. Stinnastör er með þéttstæðari og færri kvenöx, niðurbeygðar blaðrendur og sterklegar, bogsveigðar renglur, dekkri hulstur og slíður stoðblaðs er svart. “Mörgum reynist erfitt að greina á milli mýrastarar og stinnastarar. Blöð mýrastarar eru um 2 mm á breidd og við þurrkun verpast rendur þeirra upp, vex oft í þéttum þúfum. Aftur á móti eru blöð stinnastarar 3-5 mm á breidd og rendur þeirra verpast niður við þurrkun”. (Ág.H.)

Heimildir

1,2,3,9, HKr, http://www.efloras.org/florataxon.aspx?flora_id=1&taxon_id=242357077

Útbreiðsla

Mjög algeng um land allt, frá láglendi og upp til fjalla. Önnur náttúruleg heimkynni t.d.: Pólhverf (N Ameríka, Evrópa, Asía)