Campanula uniflora

Ættkvísl

Nafn

uniflora

Íslenskt nafn

Ætt

Campanulaceae (Bláklukkuætt)

Lífsform

Fjölær jurt

Kjörlendi

Vex á háfjallamelum, aðeins hátt til fjalla, uppi á brúnum, ýmist á grónum eða grýttum flötum.

Blómalitur

Dökkblár

Blómgunartími

Júlí-ág.(sept.)

Hæð

0.05-0.15 m

Vaxtarlag

Lágvaxin eða aðeins 5-15 sm á hæð. Stöngullinn uppsveigður, ógreindur og hárlaus. Aðeins eitt blóm er á hverjum stöngli.

Lýsing

Blöðin heilrend eða ógreinilega gistennt, hárlaus, en neðstu blaðstilkarnir eru þó stundum með gisnum, hvítum randhárum. Neðstu blöðin stilkuð, öfugegglaga eða langsporbaugótt, en ofar á stönglinum eru blöðin stilklaus, lensulaga eða nær striklaga.Blómið eitt, drúpandi. Bikarinn hærður, skarpstrendur með breiðsýllaga, uppréttum oddmjóum flipum, sem eru styttri en bikarpípan. Krónan nokkuð djúpskert og mjóflipótt, trektlaga, dökkblá, klukkulaga, töluvert minni en á bláklukku og trektin mun mjórri, 1,5-1,8 sm á lengd og 4-8 mm í þvermál. Fræflar fimm, frænin þrjú. Hýðið upprétt og opnast um miðjuna eða ofar. Blómgast í júlí-ágúst. Lík/líkar: Bláklukka. Auðþekkt frá bláklukku þar sem hún er mun minni, með hærðan bikar og kringlóttu stofnblöðin vantar auk þess sem hún vex yfirleitt mun hærra til fjalla.

Heimildir

1,2,3,9

Útbreiðsla

Mjög sjaldgæf. Á nokkrum stöðum hátt til fjalla frá Skagafirði austur fyrir Eyjafjörð. Einnig fundin á Vatnsdalsfjöllum og Skjaldfannarfjalli við Djúp. Önnur náttúruleg heimkynni t.d.: Nokkuð víða um norðurhvel; Finnst t.d. í Kanada, Sviss, Þýskalandi, Grænlandi, Noregi, Rússlandi, Svíþjóð og N Ameríku.