Betula nana

Ættkvísl

Nafn

nana

Íslenskt nafn

Ætt

Betulaceae (Bjarkarætt)

Lífsform

Dvergrunni

Kjörlendi

Móar og hálfdeigar mýrar. Algengur, einkum um norðanvert landið.

Blómgunartími

Maí

Hæð

0.2-0.6 m

Vaxtarlag

Lágur runni með trjákenndar greinar og brúnleitan börk, 20-60 sm á hæð.

Lýsing

Blöð smá, nær kringlótt, gróftennt, 10-20 mm í þvermál, tennt, hárlaus, stuttstilkuð, fjaðurstrengjótt, dökk græn á efra borði en aðeins ljósari á því neðra.. Blómin einkynja í stuttum öxum er nefnast reklar. Aldinbærir reklar 5-10 mm. Kvenreklarnir alsettir þrísepóttum rekilhlífum og standa þrjú blóm saman innan við hverja. Kvenblómin með einni frævu og tveim stílum. Aldinið er mjóvængjuð hneta. Karlblómin með tvo klofna fræfla. Blómgast í maí. LÍK/LÍKAR: Birki. Auðþekktur frá birki á vaxtarlaginu og minni, kringlóttari blöðum.

Heimildir

1,2,3,9, Hkr

Reynsla

Takist í júlí og ágúst. Blöð hans eru engu lakari en birkiblöð til að gera af te, og hafa líka verkun. (GJ) Áður fyrr var fjalldrapinn oft notaður sem tróð undir torfið í þökum torfbæja, því börkur hans varðist mjög vel fúa og hlífði svo viðunum.

Útbreiðsla

Algengur um mest allt landið nema austan til á Suðurlandi. Hann vex mest frá láglendi upp í 700 m hæð, hæst fundinn í 850 m hæð í botni Bleiksmýrardals þar sem hann nær lengst inn í hálendið (H.Kr.). Önnur náttúruleg heimkynni: Pólhverf í kuldabeltinu nyrðra (Evrópa, Asía, N Ameríka)