Rosa

Ættkvísl

Yrki form

'Stanwell Perpetual'

Höf.

(Lee 1838) England.

Ætt

Rósaætt (Rosaceae).

Lífsform

Lauffellandi runni.

Kjörlendi

Sól og skjól.

Blómalitur

Blá-rauðbleikur.

Blómgunartími

Ágúst-september.

Hæð

100-150 sm

Vaxtarlag

Stanwell Perpetual er villiblendingur líklega milli R. pimpinellifolia (=the Burnet eða the Scotch rose) og R. damascena bifera. Runninn er þéttvaxinn, með grannar greinar, bogsveigðar og þyrnóttar, þyrnar þéttir og stórir. Runninn er meðalstór, 150 sm hár og um 120 sm breiður og vex mest á breiddina.

Lýsing

Laufið minnir á lauf þyrnirósarinnar, er grágrænt, stundum flekkótt og hefur mjög mikinn viðnámsþrótt gegn sjúkdómum. Lotublómstrandi, blómstrar alveg fram í frost. Blómin sýna greinileg merki um að vera í ætt við blóm R. damascena-rósanna. Blómin meðalstór, opin, hálffyllt-ofkrýnd, dauf blárauð-bleik þegar þau springa út, verða bláhvít þegar þau fölna. Blómin ilma rétt eins og gömlu garðrósirnar, ilma mikið og ilmurinn er góður.

Uppruni

Yrki.

Sjúkdómar

Með mikinn viðnámsþrótt gegn sjúkdómum svo sem svartroti, mjölsvepp og ryðsvepp.

Harka

Z3

Heimildir

Petersen, V. 1981: Gamle roser i nye haver. Utgivet av de danske haveselskaber København 1981., http://www.hesleberg.no, http://www.welt-der-rosen,de/duftrosen/_duftrosen.html, http://www3.sympaico.ca/galetta/tales/scotsroses.html, www.cornhillnursery.com/retail/roses/rosea.htlm#RP,www.telegraph.co.uk/gardening/howtogrow/3316064/How-to-grow-Stanwell-Perpetual-rose.html, davesgarden.com/guides/pf/go/64995/#b

Fjölgun

Sumar-, síðsumar- eða vetrargræðlingar, ágræðsla, brumágræðsla, sveifgræðsla.

Notkun/nytjar

Tvær plöntur á m², notuð í limgerði, í beð og í almenningsgarða og víðar. Áburður í byrjun vaxtartímans.

Reynsla

Rosa Stanwell Perpetual var til í Lystigarðinum, keypt 1996 og drapst 1996, önnur sem var keypt 1996 og lifði til 1999. Enn var planta 2006, hún vex vel og blómstraði mikið 2008, vex þokkalega vel 2009 en blómstraði ekki.

Útbreiðsla

AÐRAR UPPLÝSINGAR: Harðgerð planta og nægjusöm, falleg að haustinu, engir nýpur. Getur fengið litla svarta bletti á laufið en það er ekki svartrot. Rauður eða brúnn litur á blöðunum er ekki sjúkdómur heldur einkenni á tegundinni.Sólríkur vaxtarstaður, þolir ekki skugga. Ein mest framúrskarandi rósin af gömlu garðrósunum. Fannst í garði Ortes Stanwell í Middlesex á Englandi. Perpetual þýðir endalaus eða blómstrar lengi.