Ranunculus nephelogenes

Ættkvísl

Nafn

nephelogenes

Ætt

Sóleyjarætt (Ranunculaceae).

Lífsform

Fjölær jurt.

Kjörlendi

Sól.

Blómalitur

Ljósgulur.

Blómgunartími

Júní-júlí.

Hæð

10-25 sm

Vaxtarlag

Fjölær jurt, allt að (2-)10-25(-52) sm, með trefjarætur, meðalgrófar.

Lýsing

Stönglar venjulega hárlausir að mestu, lítið eitt smádúnhærð ofantil eða við toppinn, sjaldan dúnhærð neðst, með greinar eða ógreindir. Grunnlauf 4-9, með 1,2-10 sm legg, hárlaus sjaldan lítið eitt dúnhærð, blaðkan er stundum 3-flipótt eða sjaldan 3-skipt, egglaga, oddbaugótt, aflöng, lensulaga eða bandlensulaga, 0,9-3,7 sm x 4-14 mm, pappírskennd sjaldan leðurkennd, hárlaus, fleyglaga við grunninn eða bogadregin, heilrend eða með eina tönn, næstum snubbótt. Neðstu stöngullaufin með langan eða stuttan legg, lensulaga eða bandlensulaga, þau efstu legglaus, bandlensulaga, óskipt eða 3-skipt (sjaldan). Blómin stök, endastæð, (0,8-(1-1,6(-2,3) sm í þvermál. Blómbotn hárlaus eða lítið eitt dúnhærður. Bikarblöð 5, breiðegglaga, 3,5-5 mm, dúnhærð neðan. Krónublöð 5(-7), öfugegglaga, (4,5-)6-8(-9,5) x (3-)4-6(-9) mm, Hunangsgróp ekki með hreistur, oddur bogadreginn. Fræflar margir, frjóhnappar mjó-aflangir. Samaldin eggvala eða mjó-eggvala, 4-7 x 3-5 mm. Fræhnotir skakk-öfugeggvala, 1,2-1,5(-2) x 1-1,2 mm, hárlausar. Stíll langær, um 0,6 mm.

Uppruni

Kína, Kazakhstan, Mongolia, Nepal, Pakistan, Russia (Siberia).

Heimildir

Flora of China, http://www.efloras.org/florataxon.aspx?flora_id=2&taxon_id=242000676

Fjölgun

Sáning, skipting.

Notkun/nytjar

Í steinhæðir, meðfram lækjum, í votlendi.

Reynsla

Ekki í Lystigarðinum. Myndirnar eru teknar í Grasagarði Reykjavíkur.