Cotoneaster yakuticus

Ættkvísl

Nafn

yakuticus

Ætt

Rósaætt (Rosaceae)

Lífsform

Lauffellandi runni

Kjörlendi

Sól

Blómalitur

Fölbleikur til móhvítur

Blómgunartími

Vor-snemmsumars

Hæð

1-2 m (- 3 m)

Vaxtarlag

Lauffellandi runni, greinar þéttstæðar, uppréttar, ungar greinar rauðbrúnar og þétthærðar í fyrstu.

Lýsing

Lauf á blómlausum greinum, þunn, oddbaugótt eða egglaga, 25-58 × 21-33 mm, snubbótt eða ydd, grunnur snubbóttur eða þverstýfður, dökk grágræn ofan, mött eða ögn glansandi, lítið eitt hærð, með 5 eða 6 æðastrenjapör, grálóhærð á neðra borði, laufleggir 4-7 mm, greinar með blóm 3-5 sm langar og með 2-3 lauf og blómskipun, sem er strjálblóma og með 3-10 blóm, blómstilkar 3-12 mm langir. Blóm að meðtöldum blómbotni 7 mm löng, blómbotn bollalaga, hárlaus, bikarblöð mött og hárlaus. Krónublöð hálftrosnuð, fölbleik eða móhvít. Fræflar 20, frjóþræðir og frjóhnappar hvítir. Aldin næstum hnöttótt, purpurasvört, hárlaus, kjarnar/fræ 2-3.

Uppruni

Rússland (Síbería).

Heimildir

http://databaze.dendroligie.cz

Fjölgun

Haustsáning, sumargræðlingar.

Notkun/nytjar

Í blönduð runnabeð.

Reynsla

Í Lystigarðinum er til ein planta undir þessu nafni sem sáð var til 1998. Gróðursett í beð 2000, lofar góðu.