Cotoneaster fangianus

Ættkvísl

Nafn

fangianus

Ætt

Rósaætt (Rosaceae)

Lífsform

Lauffellandi runni

Kjörlendi

Sól, hálfskuggi

Blómalitur

Bleikur

Blómgunartími

Maí-júní

Vaxtarlag

Smágreinar rauðbrúnar til grábrúnar, sívalar, grannar, þétt gul-stinnhærðar í fyrstu, verða smám saman hárlausar, næstum hárlausar þegar þær eru orðnar gamlar.

Lýsing

Laufleggur stuttur og sterklegur, 2-3 mm, gul-dúnhærður. Axlablöð langæ að hluta, bandlaga-lensulaga. Laufblaðkan breið-egglaga til næstum kringlótt, 1-2 × 1-1,5 sm, miðæðastrengurinn dálítið upphleyptur á neðra borði og ögn djúplægur á efra borði, hliðaæðastrengirnir í 3-5 pörum. Laufblaðkan er þéttgullóhærð á neðra borði og hárlaus á því efra, grunnur er bogadreginn, snubbótt, sjaldan ydd. Hálfsveipir eru 1,5-2,5 × 2-2,5 sm, 10-15-blóma, aðalleggur og blómleggir eru dúnhærðir. Stoðblöð eru bandlaga eða bandlensulaga. Blómleggir 1-2 mm. Blómin 4-5 mm í þvermál. Blómbotn bjöllulaga, smádúnhærður eða næstum hárlaus utan. Bikarblöð þríhyrnd, snubbótt, stundum ydd. Krónublöðin upprétt, bleik, næstum kringlótt eða breið-öfugegglaga, 1-2 mm í þvermál, grunnur með stutta nögl, framjöðruð efst eða snubbótt. Fræflar 20, ögn styttri en krónublöðin, Eggleg dúnhærð efst, stílar 3, ekki samvaxnir, næstum jafnlangir og/eða ögn styttri en fræflarnir. Aldin aflöng, kjarnar/fræin 3.

Uppruni

Kína (SV Hubei) árbakkar í 1300-1400 m h.y.s.

Heimildir

Flora of China á netinu.

Fjölgun

Sáning, sumargrælingar.

Notkun/nytjar

Í blönduð beð.

Reynsla

Í Lystigarðinum er til ein planta undir þessu nafni, sem sáð var til 2001 og gróðursett í beð 2004.