Cotoneaster altaicus

Ættkvísl

Nafn

altaicus

Ætt

Rósaætt (Rosaceae)

Lífsform

Runni

Kjörlendi

Sól, hálfskuggi

Blómalitur

Móhvítur með rauðar rákir

Blómgunartími

Vor

Hæð

1,5-2,5 m (-4 m)

Vaxtarlag

Uppréttar greinar, smágreinar eru grábrúnar, í fyrstu lóhærðar.

Lýsing

Lauf þunn á blómlausum sprotum, oddbaugótt, 33-75 × 20-43 mm, snubbótt eða ydd, grunnur snubbóttur eða þverstýfður. Laufin ljósgræn til dökkgræn ofan, mött, hærð í fyrstu, með 4-6 æðastrengjapör, dálítið hrukkótt á neðra borði. Blaðka græn, lóhærð, verður fljótt grófhærð, laufleggur 6-8 mm langur, blómskipunarleggir 2-3 sm með 2-4 lauf, blómskipun 3-14 blóma, blómleggir 4-15 mm, hærðir, blómin að blómbotninum meðtöldum 5-6 mm langir, blómbotninn hárlaus, bikarblöð snubbótt eða broddydd, hárlaus, krónublöð upprétt eða vita nokkuð niður á við, móhvít með rauðar rákir og bleikan grunn, fræflar 20, frjóþræðir hvítir til fölbleikir, frjóhnappar hvítir. Aldin hnöttótt en íflöt til endanna, 8-9 mm, purpurasvört, döggvuð, hárlaus með 2-3 kjarna/fræ.

Uppruni

Kasakstan (M Asía)

Heimildir

http://databaxe.dendrologie.cz

Fjölgun

Haustsáning, sumargræðlingar, síðsumargræðlingar.

Notkun/nytjar

Í blönduð beð, þyrpingar, raðir

Reynsla

Í Lystigarðinum er til ein planta undir þessu nafni, sem sáð var til 1983 og gróðursett í beð 2001, þrífst vel, kelur ekkert eða mjög lítið sum árin.