Aconitum paniculigerum

Ættkvísl

Nafn

paniculigerum

Ssp./var

v. wulingense

Höfundur undirteg.

(Nakai) U.V.Wang.

Ætt

Sóleyjarætt (Ranunculaceae).

Lífsform

Fjölær jurt.

Kjörlendi

Hálfskuggi.

Blómalitur

Purpurablár.

Blómgunartími

Ágúst-september.

Hæð

70-100 sm

Vaxtarlag

Stöngulstofn öfugkeilulaga, 2-3 sm. Stönglar 70-100 sm, greinóttur efst, hárlaus. Grunnlauf hafa visnað þegar að blómgun kemur, miðlaufin eru með langan lauflegg, laufleggurinn um 6 sm, hárlaus. Laufblaðkan hjartalaga-fimmhyrnd, 10-15 x 13-16 sm, hárlaus á neðra borði, með ögn af aðlægum dúnhárum á því efra, 3-skipt, miðflipinn tígullaga, langydd, næstum fjaðraður, hliðarflipar skakk-blævængslaga, 2-skipt, hlutarnir misstórir.

Lýsing

Blómskipunin keilulaga, með mörg blóm, aðalleggur í laufum og blómleggirnir með útstæða dúnhæringu, neðstu stoðblöðin 3-skipt, önnur eru bandlaga. Blómleggir 3-5,5 sm, með 2 smástoðblöð um miðju, þessi stoðblöð eru mjó-bandlaga, um 5 mm. Bikarblöð purpurablá, ögn dúnhæður neðan, neðri bikarblöð aflöng, hliða-bikarblöð breið öfugegglaga, efsta bikarblaðið há-hjálmlaga, 1,6-1,8 sm há, neðri jaðarinn uppréttur eða íhvolfur. Krónublöð hárlaus, vör um 4 mm, 2-flipa í toppinn. Sporinn boginn, ögn hringvafinn efst, um 2,5 mm. Fræflar hárlausir, frjóþræðir heilrendir. Frævur (3-)5, hárlausa. Fræhýði um 1,1 sm. Fræin um 2 mm.

Uppruni

Kína (NA Hebei, A Jilin, SA Liaoning), Kórea.

Heimildir

= www.efloras.org/florataxon.aspx?flora-id=2&taxon-id=200007287, Flora of China.

Fjölgun

Sáning, skipting.

Notkun/nytjar

Í fjölæringabeð.

Reynsla

Í Lystigarðinum er til ein planta undir þessu nafni, sem sáð var til 2010 og gróðursett er í sólreit 2015.

Yrki og undirteg.

v. paniculigerum - Aðalleggur í laufum og laufleggir með útstæð dúnhár.v. wulingense - Aðalleggur í laufum hárlaus, laufleggir með ögn af útstæðum dúnhárum efst.