Lilium canadense

Ættkvísl

Nafn

canadense

Íslenskt nafn

Ætt

Liljuætt (Liliaceae).

Lífsform

Fjölæringur og laukplanta.

Kjörlendi

Sól og skjól.

Blómalitur

Gulleit að mestu og með dökkar doppur.

Blómgunartími

Ágúst-september.

Hæð

60-150 sm

Vaxtarlag

Uppréttir, laufóttir stönglar.

Lýsing

Kjötkenndar, jarðstöngul-neðanjarðar renglur með fáein, hvít til gulleit hreisturblöð, sem koma með nýja, litla æxlilauka í endann á hverju ári. Upp af þeim vaxa hvert vor 60-150 sm háir stönglar með laufkransa. Lauf eru 15×2 sm, lensulaga til öfuglensulaga, 5-7 tauga, yfirleitt í krönsum, Langir, fíngerðir, bogsveigðu blómleggirnir bera allt að 20 blóm í sveiplíkri blómskipun. Blómin 10-12 bjöllulaga, drúpandi, í sveip. Blómleggir allt að 20 sm langir. Blómhlífarblöð 5-7,5×2,5 sm, lítt aftursveigð í oddinn, gulleit að mestu og með dökkar doppur. Frjó gult-brúnt. Aldin 3 sm.Ýmis afbrigði geta haft aðra blómliti svo sem múrsteinsrautt, ýmis appelsínulit litbrigði og hreingult. v. coccineum Pursh.Blómin múrsteinsrauð með gular doppur í gininu.

Uppruni

A N-Ameríka.

Heimildir

= 1,Jelitto, L and Wilhelm Schacht 1990 Hardy Herbaceous Perennials. I &II. third ed. London.

Fjölgun

Fjölgað með fræi sem spírar hægt.

Notkun/nytjar

Vex á rökum engjum, í skurðum og í skógarjöðrum.

Reynsla

Ekki auðræktuð. Þarf súran, rakan, vel framræstan jarðveg þ.e. sand-mó-leirkenndur jarðvegur blandaður möl. Það er vel þess virði að reyna að rækta þessa glæsilegu liljutegund.

Yrki og undirteg.

Lilium canadense L. v. coccineum Pursh. var sáð í Lystigarðinum 1991, dó 1997.