Acer tschonoskii

Ættkvísl

Nafn

tschonoskii

Íslenskt nafn

Ætt

Hlynsætt (Aceraceae)

Lífsform

Runni - litið tré

Kjörlendi

Hálfskuggi.

Blómalitur

Gulleit.

Blómgunartími

Vor.

Hæð

- 5 m

Vaxtarlag

Tré eða runni sem getur orðið allt að 10 m á hæð í heimkynnum sínum en oftast um 5 m í ræktun erlendis. Börkur grár. Greinar ljósgrænar og með ögn af hvítum rákum. Ungar greinar rauðbrúnar, hárlausar.

Lýsing

Laufin allt að 8 × 9 sm, djúp 5-flipótt, stundum allt að 7-flipótt, kringlótt-egglaga, grunnur hjartalaga, græn á efra borði ljósari á því neðra meðan þau eru ung, með rauðleit dúnhár á æðastrengjunum á neðra borði. Jaðrar hvass-tvísagtenntir, tennur vita fram á við, leggir rauðgrænir. Blómskipunin hálfsveipur eða klasi, upprétt, með 7-12 gulleit blóm. Aldin allt að 3 sm. Vængir mætast í hvössu til réttu horni.

Uppruni

Japan.

Harka

5

Heimildir

1. 2, http://www.maples.se

Fjölgun

Sáning strax og fræin hafa náð fullum þroska eða eftir að þau hafa verið forkæld.

Notkun/nytjar

Í þyrpingar, í beð.

Reynsla

Í Lystigarðinum er til ein planta sem sáð var til 2007 sem lofar góðu.