Oxycoccus microcarpus

Ættkvísl

Nafn

microcarpus

Íslenskt nafn

Ætt

Ericaceae (Lyngætt)

Samheiti

Vaccinium microcarpum (Turcz. ex Rupr.) Hook.f.Vaccinium oxycoccos subsp. microcarpum (Turcz. ex Rupr.) A.BlyttVaccinium oxycoccos subsp. microcarpum (Turcz. ex Rupr.) Kitam.

Lífsform

Dvergrunni, sígrænn

Kjörlendi

Vex í mýrum, oftast innan um mosa og þá helst í hvítmosaþembum.

Blómalitur

Rauður

Blómgunartími

Júní-júlí

Hæð

0.10-0.20 m

Vaxtarlag

Sígrænn smárunni. Jarðlægir mjóir, hárlausir stönglar sem eru gjarnan uppsveigðir í endann. Lengd blaðsprota oft 10-20 (-30) sm og jafnvel meir.

Lýsing

Blöðin þykk, gljáandi, sígræn, stakstæð, gisstæð, mjóhjartalaga eða langegglaga, stuttstilkuð. Blaðjaðrar niðurorpnir, blöð 3-4 mm á lengd og 1,5-2 mm á breidd, með áberandi miðrifi, dökkgræn eða rauðleit á efra borði en ljósgræn á neðra borði. Blómin fjórdeild, drúpandi, 6-7 mm í þvermál, hvert á 1-1,5 sm löngum rauðbrúnum legg með tveim örsmáum forblöðum sem standa mishátt á miðjum legg. Bikarblöðin og krónublöð rauð. Krónublöð um 4mm á lengd. Krónan fagurrauð, djúpklofin, krónuflipar 4-5 mm á lengd, aftursveigðir. Bikarinn grunnskertur, dökkrauður. Fræflar standa út úr blóminu, átta í knippi, knappleggirnir hærðir, dökkbrúnir, frjóhirslur aflangar, ljósbrúnar. Ein fræva, stíllinn rauður og langur. Aldinið súrt, rautt ber, 5-7 mm í þvermál, og stendur stíllinn upp úr því. Blómgast í júní-júlí. 2n=24.LÍK/LÍKAR: Óblómgaðir blaðsprotar minna á gisblöðótt krækilyng. Mýraberjalyng er með hlutfallslega breiðari blöð, blaðrendurnar ná aldrei saman á neðra borði, eins og á krækilyngi. Auðþekkt í blóma og/eða með berjum.

Heimildir

1,2,3,9, HKr

Útbreiðsla

Allvíða á svæðinu frá Skagafirði austur í Mývatnssveit, og einnig á Fljótsdalshéraði og nyrst á Austfjörðum. Annars staðar sjaldgæft.Önnur náttúruleg heimkynni t.d.: Rússland, Kanada, Noregur, Pólland, Svíþjóð, Siviss, N Ameríka.