Draba norvegica

Flest blöðin í stofnhvirfingu, lensulaga, oftast áberandi bæði kvísl- og stjarnhærð. Hvirfingarblöðin mörg, yfirleitt tennt, ydd og randhærð. Blómin fjórdeild, hvít, í stuttum klasa á stöngulendum. Krónublöðin, 3-4 mm á lengd, krónan hálfopin. Bikarblöðin græn eða fjólubláleit, sporbaugótt eða egglaga, með mjóum himnufaldi. Fræflar sex og ein aflöng fræva. Skálpar oddbaugóttir, oftast hærðir, 5-6 mm á lengd. Aldinleggir uppréttir, styttri en skálpar. Blómgast í maí-júní. LÍK/LÍKAR: Grávorblóm sem er auðgreint frá hagavorblómi á þéttblöðóttari stönglum og reglulegi og þéttari blaðhvirfingum við grunn. Hagavorblómið er afar breytilegt. Líklegt er að það samanstandi af fleiri en einni tegund, en meiri rannsókna er þörf áður en um það verði fullyrt.  (Ág.H.)"Því sem áður var talið til þessarar tegundar á Íslandi eða til D. rupestris hefur nú verið skipt upp í þrjár tegundir og er enn óvíst um hvort Draba norvegica sensu strictu sé til í landinu eða ekki". (H.Kr.)