Ólafur Jóhann Sigurðsson - Á vordegi
Grundin eignast gullinn fífil,
geislafingur hlýir strjúka
lambakóng með lítinn hnýfil,
lambagrasið rauða og mjúka.

Vappar tjaldur, vellir spói,
verpir í broki mýrispýta.
Bráðum kveikir fenjaflói
fífublysið mjallahvíta.

Bráðum mun í morgunstillu
meðan þokan kveður dranga
ljósberi hjá lágri syllu
lyfta kolli til að anga.

Blíða daga, bjartar nætur
bugðast á með tærum hyljum
eftir laut sem litlir fætur
lásu forðum berum iljum.


Sisyrinchium striatum
Ættkvísl   Sisyrinchium
     
Nafn   striatum
     
Höfundur   Sm.
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Geislaseymi
     
Ætt   Sverðliljuætt (Iridaceae).
     
Samheiti   S. graminifolium, S. iridifolium, S. lutescens, S. pachyrhizum, mistúlkun.
     
Lífsform   Fjölær jurt.
     
Kjörlendi   Sól.
     
Blómlitur   Föl gulgrænn.
     
Blómgunartími   Júlí-ágúst.
     
Hæð   - 75 sm
     
Vaxtarhraði  
     
 
Vaxtarlag   Fjölær jurt með grannar trefjarætur. Stönglar allt að 75 sm háir, uppréttir, ógreindir, flatir og með mjóa vængi, grágrænir. Grunnlauf 8-10, band- til mjóbandlaga, 20-35 x 1,2 x 1,8 sm, grágræn. Stöngullauf 1-2, mjólensulaga með slíður neðst, allt að 30 x 1,5 sm.
     
Lýsing   Blóm föl grængul, legglaus, í blómaknippum hér og hvar á stönglinum, hvert knippi með 10-20 blóm, er umlukið egglaga, himnukenndu hulstur-stoðblaðapari. Blómleggir jafnlangir og stoðblöðin. Blómhlífarblöð 1,5 x 1,8 sm, öfulensulaga með greinilegar purpurabrúnar æðar. Frjóþræðir aðeins samvaxnir neðst. Aldinhýði hnöttótt um 6 mm í þvermál.
     
Heimkynni   Chile & Argentína.
     
Jarðvegur   Sendinn, leirkenndur, vel framræstur.
     
Sjúkdómar  
     
Harka   8
     
Heimildir   1, 2
     
Fjölgun   Sáning, skipting.
     
Notkun/nytjar   Í steinhæðir, í fjölæringabeð.
     
Reynsla   Í Lystigarðinum er til ei n planta undir þesu nafni sem sáð var til 1983 og gróðursett í beð 1984.
     
Yrki og undirteg.  
     
Útbreiðsla  
     
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is