Jón Helgason - úr ljóðinu Á Rauðsgili
Hugrökk teygist á háum legg
hvönnin fram yfir gljúfravegg,
dumbrauðu höfði um dægrin ljós
drúpir hin vota engjarós.


Dianthus plumarius
Ættkvísl   Dianthus
     
Nafn   plumarius
     
Höfundur   L.
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Fjaðradrottning, fjaðurnellika
     
Ætt   Hjartagrasaætt (Caryophyllaceae).
     
Samheiti  
     
Lífsform   Fjölær jurt.
     
Kjörlendi   Sól.
     
Blómlitur   Skærbleikur, hvítur.
     
Blómgunartími   Júlí-september.
     
Hæð   30-40 sm
     
Vaxtarhraði  
     
 
Fjaðradrottning, fjaðurnellika
Vaxtarlag   Lausþýfð, hárlaus, dálítið bláleit fjölær jurt, allt að 40 sm há.
     
Lýsing   Grunnlauf allt að 10 sm, bandlaga, með kjöl, mjókka í meira eða minna hvassyddan odd. Blómin stór, ilmandi, oftast stök á endum greina í gisnum kvíslskúf. Bikar 1,7-3 sm, með egglaga, oftast snubbóttar tennur. Utanbikarflipar eru venjulega 4, öfugegglaga, snögg langyddir, um 1/4 af lengd bikarsins. Krónutungan 1,2-1,8 sm, þríhyrnd-öfugegglaga, skipt nærri að miðju í mjóa flipa, oftast með skegg, skærbleik eða hvít, oft með dekkra 'auga'.
     
Heimkynni   A & M Evrópa.
     
Jarðvegur   Meðalrakur, sendinn, framræstur.
     
Sjúkdómar  
     
Harka   3
     
Heimildir   1,2
     
Fjölgun   Sáning að vori, græðlingar að hausti.
     
Notkun/nytjar   Í steinhæðir, í ker, í hleðslur, í kanta, í beð, sem þekjujurt.
     
Reynsla   Harðger, svokallaðar gamaldags nellikur standa sig best. Mjög góð garðplanta sem lifir ár eftir ár. Á það til að sá sér nokkuð hér norðanlands og upp koma gjarnan plöntur í mismnandi litum (blandast auðveldlega). Villtar plöntur með einföld blóm eru sjaldan í ræktun núna, en mörg yrki og blendingur tegundarinnar og annarra Dianthus-tegunda eru víða í ræktun. Mörg yrkjanna eru ofkrýnd.
     
Yrki og undirteg.   Mjög mikill fjöldi sorta/yrkja er í ræktun, í fjórum flokkum, einlitar, tvílitar með hring, blúndunellikur, óreglulegir litir t.d. 'Arabella', 'Little Jack', 'Semperflorens' og fleiri. Dianthus 'Allwoodii' er hópur blendinga sem hafa komið fram með því að blanda yrkjum tegundarinnar D. plumarius og síblómstrandi, stórblóma nellikum, (perpetuae-flowering Carnations) sem eru afsprengi D. caryophyllus. Einnig má nefna 'Doris' sem er fölbleik.
     
Útbreiðsla  
     
Fjaðradrottning, fjaðurnellika
Fjaðradrottning, fjaðurnellika
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is