Málsháttur
Mjór er mikils vísir.
Alnus incana ssp. rugosa
Ættkvísl   Alnus
     
Nafn   incana
     
Höfundur   (L.) Monch
     
Ssp./var   ssp. rugosa
     
Höfundur undirteg.   (Du Roi) R.T.Clausen
     
Yrki form  
     
Höf.  
     
Íslenskt nafn   Gráölur (gráelri)
     
Ætt   Bjarkarætt (Betulaceae)
     
Samheiti   Alnus rugosa (Du Roi) Spreng.
     
Lífsform   Lauffellandi tré eða runni.
     
Kjörlendi   Sól, hálfskuggi.
     
Blómlitur   Karlreklar grænir, kvenreklar rauðgrænir.
     
Blómgunartími   Snemma vors.
     
Hæð   - 6 m
     
Vaxtarhraði  
     
 
Vaxtarlag   Lauffellandi tré eða oftast brúskkenndur runni, allt að 6 m hár, greinar hárlausar eða með ryðlit dúnhár á víð og dreif, stundum límkennd. Greinar milli-grábrúnar til rauðbrúnar, floskenndar, með ljósari korkbletti, brum með legg.
     
Lýsing   Lauf stakstæð, 5-12 sm, egglaga eða oddbaugótt, bogadregin í oddinn eða ydd, grunnur bogadreginn eða blaðkan mjókkar smám saman niður, jaðrar grunnflipóttir og fín-tvísagtenntir, blaðkan hárlaus ofan, mattgræn, ljósari, dúnhærð eða hárlaus neðan, æðastrengir með brúna dúnhæringu. Blómin einkynja, fáein saman. Karlreklar allt að 10 sm langir, á hárlausum greinum, kvenreklar uppréttir, 1-1,5 sm, rauðgrænir, koma snemma vors, 4-10 saman, reklar efst á greinunum legglausir, neðstu reklar með leggi.
     
Heimkynni   Kanada, NA Bandaríkin.
     
Jarðvegur   Magur, rakur, vel framræstur.
     
Sjúkdómar  
     
Harka   2
     
Heimildir   1, http://www.wildflower.org, http://dendro.cnre.vt.edu
     
Fjölgun   Sáning, sumargræðlingar.
     
Notkun/nytjar   Sem stök tré, í þyrpingar. Gráerli er með hnúða á rótunum sem vinna nítur úr andrúmsloftinu. -- Gróðursettar til skrauts meðfram vötnum og á vatnsbökkum.
     
Reynsla   Í Lystigarðinum eru til tvær plöntur, sem sáð var til 1987 og gróðursettar i beð 2000 og 2001, þrífast fremur illa og ein sem sáð var til 1990 og gróðursett í beð 2004.
     
Yrki og undirteg.  
     
Útbreiðsla  
     
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is