Sigfús Daðason - Vængjasláttur
Akureyri
mjög skreytt
reynitrjám.

Sá sem gengi um bæinn
á septemberkvöldi:
dimmur skuggi innfjarðarins
fylgdi honum á aðra hönd hvar sem hann færi,
lifandi, kvikur!
Sálarspegill!

Heilagur lundur
rís í hæðir.
Og gangi maður í lundinn
er hann þar einn með sjálfum sér.

Það gustar um limið
og fuglarnir í björtum trjákrónunum
fælast skóhljóð einmanans
og hviðra með vængjaslætti
yfir höfði hans og úti í myrkrinu.

Og upp fyrir honum rennur þá: hvílík
sú dýrð sem einmananum hlotnast.



Paeonia lactiflora 'Sara Bernhardt'
Ættkvísl   Paeonia
     
Nafn   lactiflora
     
Höfundur   Pall.
     
Ssp./var  
     
Höfundur undirteg.  
     
Yrki form   'Sara Bernhardt'
     
Höf.  
     
Íslenskt nafn   Silkibóndarós
     
Ætt   Bóndarósarætt (Paeoniaceae).
     
Samheiti  
     
Lífsform   Fjölær jurt.
     
Kjörlendi   Sól.
     
Blómlitur   Eplablómableikur.
     
Blómgunartími   Júlí.
     
Hæð   75-90 sm
     
Vaxtarhraði   Meðalhraðvaxta.
     
 
Silkibóndarós
Vaxtarlag   Uppréttur fjölæringur, 75-90 sm hár og álíka umfangsmikill.
     
Lýsing   Laufið er milligrænt til dökkgrænt. Blómin eru mjög stór, eplablómableik, fyllt og ilmandi.
     
Heimkynni   Yrki.
     
Jarðvegur   Frjór, rakaheldinn, en vel framræstur.
     
Sjúkdómar  
     
Harka   6
     
Heimildir   = 1, http://www.mobot.org, http://www.davesgarden.com, http://www.worldsend.co.uk, http://www.shootsgardening.co.uk, http://www.crocus.co.uk
     
Fjölgun   Fjölgað með því að skipta rótarhnýðinu að haustinu.
     
Notkun/nytjar   Í beð. Miðlungsvökvun, vökvið reglulega og ekki of mikið. Stilkarnir þurfa stuðning svo að þeir geti haldið uppi stórum blómunum. Frábær planta að hafa í sólríkum köntum. Þessi stórfenglega síðblómstrandi bóndarós hefur verið vinsæl lengi. Sníðið dauðu blómin af að blómgun lokinni. Bætið áburði sem leysist hægt upp ofan á moldina snemma vors svo sem moltu, safnhaugamold eða gömlum húsdýraáburði. Sveppasjúkdómar geta komið upp í svölu, röku veðri að vorinu. Sníðið þess vegna alla skemmda hluta af plöntunni og úðið það sem eftir stendur með sveppalyfi.
     
Reynsla   Ein planta keypt í Lystigarðinn 1989, gróðursett í beð sama ár, flutt í annað beð 2009. Tvær plöntur til viðbótar keyptar í Lystigarðinn 1995, gróðursettar í beð 1996 og fluttar í annað beð 2009. Fjórða plantan var keypt 2003 og gróðursett í beð sama ár. Þrífast vel og blómstra.
     
Yrki og undirteg.  
     
Útbreiðsla   Aðrar upplýsingar: Allir hlutar plöntunnar geta valdið magakveisu ef þeirra er neytt. Viðurkenning: RHS Award of Garden Merit
     
Silkibóndarós
Silkibóndarós
Silkibóndarós
Silkibóndarós
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is