Snorri Hjartarson - Lyng

Gott er að leggjast í lyngið,
sjá lauf glóa, finna kvik
fjaðurmjúk atlot þess, fagna
í fegurð jarðar meðan rauð
og lág sólin lækkar
og lyngbreiðan er ilmgrænt haf
sem ber þig að hljóðri húmströnd
og hylur þig gleymsku.

Honkenya peploides ssp. diffusa
Ættkvísl   Honkenya
     
Nafn   peploides
     
Höfundur   (L.) Ehrh.
     
Ssp./var   ssp. diffusa
     
Höfundur undirteg.   (Hornem.) Hultén
     
Yrki form  
     
Höf.  
     
Íslenskt nafn   Fjöruarfi (Smeðjukál)
     
Ætt   Caryophyllaceae (Hjartagrasaætt)
     
Samheiti  
     
Lífsform   Fjöær jurt
     
Kjörlendi   Vex í fjörum, einkum í sandi eða möl.
     
Blómlitur   Hvítur
     
Blómgunartími   Júní-júlí
     
Hæð   0.10-0.50 m
     
 
Fjöruarfi (Smeðjukál)
Vaxtarlag   Fremur hraðvaxta fjöruplanta með rótskeyttum ofanjarðarstönglum. Þar sem þeir eru oft huldir sandi verða þeir litlausir vegna ljósskorts. Stönglar og blöð hárlaus. Stönglar þéttblöðóttir, með tveim raufum að endilöngu, nær ferstrendir, uppréttir eða uppsveigðir og kvíslgreindir og geta orðið 10-50 sm að lengd og getur ein planta því stundum breitt svo úr sér, að hún nái allt að metra í þvermál.
     
Lýsing   Blöðin gulgræn, þykk og safarík, egglaga eða öfugegglaga, oddbaugótt, heilrend, stilklaus, gagnstæð, 1-2,5 sm á lengd og 5-15 mm á breidd. Blómin hvít, fimmdeild, stök eða í blómfáum skúf á greinaendum, 8-15 mm í þvermál. Krónublöðin, öfughjarta- eða spaðalaga, naglmjó. Bikarblöð álíka löng eða aðeins lengri en krónublöð, græn, egglaga og odddregin. Fræflar 10, ein fræva með þrem (til fjórum) stílum. Aldin hnöttótt, allstórt grænt hýðisaldin (ber) og var plantan því stundum nefnd berjaarfi. Yfirleitt sérbýli, þ.e. annaðhvort bara kvk blóm eða bara kk blóm á einstaklingum tegundarinnar. Blómgast í júní. LÍK/LÍKAR: Engar. Auðþekktur á þykkum, kjötkenndum og safaríkum, blöðum og á heimkynnum sínum.
     
Jarðvegur  
     
Heimildir   1,2,3,9, HKr
     
Reynsla   "Nafnið berjaarfi er til komið af aldininu, sem er hnöttótt, en smeðjukál af bragði blaða." (Ág.H.)
     
     
Útbreiðsla   Algengur kring um land allt. Fjöruarfinn getur vaxið nokkra kílómetra frá sjó, þar sem víðáttumiklir, samfelldir sandar ná inn í land frá fjörunni. Önnur náttúruleg heimkynni t.d.: Danmörk, Finnland, Frakkland, Þýskaland, Japan, Pottúgal, Spánn, Stóra Bretland, N Ameríka.
     
Fjöruarfi (Smeðjukál)
Fjöruarfi (Smeðjukál)
Fjöruarfi (Smeðjukál)
Fjöruarfi (Smeðjukál)
Fjöruarfi (Smeðjukál)
Fjöruarfi (Smeðjukál)
Fjöruarfi (Smeðjukál)
Fjöruarfi (Smeðjukál)
Fjöruarfi (Smeðjukál)
Fjöruarfi (Smeðjukál)
Fjöruarfi (Smeðjukál)
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is