Snorri Hjartarson - Lyng

Gott er að leggjast í lyngið,
sjá lauf glóa, finna kvik
fjaðurmjúk atlot þess, fagna
í fegurð jarðar meðan rauð
og lág sólin lækkar
og lyngbreiðan er ilmgrænt haf
sem ber þig að hljóðri húmströnd
og hylur þig gleymsku.

Erigeron uniflorus ssp. uniflorus
Ættkvísl   Erigeron
     
Nafn   uniflorus
     
Höfundur   Linnaeus, Sp. Pl. : 864 (1753)
     
Ssp./var   ssp. uniflorus
     
Höfundur undirteg.  
     
Yrki form  
     
Höf.  
     
Íslenskt nafn   Fjallakobbi (fjallajakobsfífill)
     
Ætt   Asteraceae (Körfublómaætt)
     
Samheiti   Erigeron eriocalyx (Ledeb.) Vierh. Erigeron eriocephalus (DC.) Vierh. Erigeron uniflorus subsp. eriocephalus (J. Vahl) Cronquist
     
Lífsform   Fjölær jurt
     
Kjörlendi   Vex á melum, bollum, hlíðum og móum til fjalla.
     
Blómlitur   Geislablóm hvít, hvirfill gulur
     
Blómgunartími   Júní,Júlí-ág.
     
Hæð   0.04-0.10 (-0.15) m
     
 
Vaxtarlag   Smávaxin háfjallajurt sem líkist smávöxnum eintökum af jakobsfífli. Stönglar þétthærðir, einkum ofan til, 4-10 sm á hæð, stönglar oft margir af sömu rót. Getur orðið hærri við bestu aðstæður.
     
Lýsing   Stöngulblöðin lensulaga, sum stofnblöðin spaðalaga eða öfugegglaga á vængjuðum stilk. Endastæð karfa, um 1,5 sm í þvermál. Reifablöðin sem lykja um körfuna eru dökkfjólublá, einkum í endann, odddregin, hvítloðin, þau neðstu oft áberandi útstæð. Geislablómin eru hvít í fyrstu en verða síðan grá- eða rauðfjólublá og kafloðin hrokknum hárum. Hvirfilblómin gulleit. Blómgast í júní-júlí. Skiptist í tvær deilitegundir E. u. subsp. uniflorus og E. u. subsp. eriocephalus (J.Vahl) Cronq., jöklakobbi (sjá næstu). LÍK/LÍKAR: Jakobsfífill & snækobbi. Fjallakobbinn er mun lægri en jakobsfífill, alltaf með eina hlutfallslega stærri körfu, grunnblöð +/- spaðalaga og snubbótt og auk þess er fjallakobbinn með útstæð reifablöð. Fjallakobbi þekkist frá snækobba á hvítum hárum á reifablöðunum og flatari körfubotni.
     
Jarðvegur  
     
Heimildir   1,2,3,9, HKr
     
Reynsla  
     
     
Útbreiðsla   Víða upp til heiða og á miðhálendinu. Önnur náttúruleg heimkynni t.d.: Temp. Asía, Evrópa, N Ameríka þ.mt. Grænland, Kanada og Alaska.
     
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is