Þuríður Guðmundsdóttir - Rætur
Ég geng um skrúðgarða borgar
og blómin horfa á mig
litríkum framandi augum
og ilmur þeirra er alltaf nýr

Í fjarska situr fölblá gleymmérei
á fötum lítils barns

Því blágresi, holtasóley og steinbrjótur
voru blóm bernsku minnar

Og rætur þeirra
verða alltaf mínar

Cerastium fontanum ssp. vulgare
Ættkvísl   Cerastium
     
Nafn   fontanum
     
Höfundur   Baumg.
     
Ssp./var   ssp. vulgare
     
Höfundur undirteg.   (Hartm.) Greut. & Burd., Willdenowia 12: 37. 1982.
     
Yrki form  
     
Höf.  
     
Íslenskt nafn   Vegarfi
     
Ætt   Caryophyllaceae (Hjartagrasaætt)
     
Samheiti  
     
Lífsform   Tvíær - fjölær jurt
     
Kjörlendi   Vex í mólendi, flögum, vegköntum og við bæi og útihús. Algeng um land allt.
     
Blómlitur   Hvítur
     
Blómgunartími   Maí-júní
     
Hæð   0.05-0.35 m
     
 
Vegarfi
Vaxtarlag   Fjölær jurt með blómlausum blaðsprotum. Margir blöðóttir, stönglar af sama jarðstöngli, uppsveigðir eða jarðlægir, þétthærðir, 5-35 sm á hæð.
     
Lýsing   Blöðin gagnstæð, langegglaga - aflöng, snubbótt, 10-20 mm á lengd með löngum gisnum hárum, stuttstilkuð neðan til en stilklaus ofan til á stilkum. Efstu háblöðin himnurend. Blómin endastæð, hvít, 5-8 mm í þvermál. Krónublöðin sýld, álíka löng eða aðeins lengri en bikarblöðin. Bikarblöð hærð, odddregin og himnurend. Fræflar 10 og ein fræva sem er oftast með 5 stílum. Aldinið tannhýði, með 10 tönnum. Hýðið meira en helmingi lengra en bikarinn, jafngilt og sveigist aðeins upp á við. Blómgast í maí-júní. LÍK/LÍKAR: Músareyra & hnoðafræhyrna. Vegarfinn er ekki eins loðinn og músareyra og krónublöðin eru aðeins lengri en bikarblöðin. Hnoðafræhyrna (Cerastium glomeratum) er einær jurt og fremur sjaldgæf sem minnir á vegarfa eða músareyra. Blómin fleiri í þéttari kvíslskúfum og ber gljáandi aldin með sérkennilega gullgulum blæ, blöðin breiðari, egglaga eða sporbaugótt, broddydd. Algengur á láglendi. Tvær deilitegundir eru hér á landi, Cerastium fontanum subsp. fontanum sem er innlend og algeng og Cerastium fontanum subsp. vulgare (Hartm.) Greuter & Burdet sem talin er aðflutt með manninum og vex einkum í grennd mannabústaða.
     
Jarðvegur  
     
Heimildir   1,2,3,9, HKr
     
Reynsla  
     
     
Útbreiðsla   Einkum í byggð. Önnur náttúruleg heimkynni: Aðaltegundin er meira og minna í öllum heimsálfum.
     
Vegarfi
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is