Ólafur Jóhann Sigurðsson - Á vordegi
Grundin eignast gullinn fífil,
geislafingur hlýir strjúka
lambakóng með lítinn hnýfil,
lambagrasið rauða og mjúka.

Vappar tjaldur, vellir spói,
verpir í broki mýrispýta.
Bráðum kveikir fenjaflói
fífublysið mjallahvíta.

Bráðum mun í morgunstillu
meðan þokan kveður dranga
ljósberi hjá lágri syllu
lyfta kolli til að anga.

Blíða daga, bjartar nætur
bugðast á með tærum hyljum
eftir laut sem litlir fætur
lásu forðum berum iljum.


Picea glehnii
Ættkvísl   Picea
     
Nafn   glehnii
     
Höfundur   (Fr. Schmidt) Mast.
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Glitgreni
     
Ætt   Þallarætt (Pinaceae).
     
Samheiti  
     
Lífsform   Sígrænt tré.
     
Kjörlendi   Sól - hálfskuggi.
     
Blómlitur   Kk reklar gulir, kvk reklar rauðir.
     
Blómgunartími   Maí-júní.
     
Hæð   10-15 m
     
Vaxtarhraði  
     
 
Vaxtarlag   Hávaxið tré, allt að 30 m hátt í heimkynnum sínum eða hærri. Króna mjó-keilulaga. Börkur súkkulaðibrúnn (greinist á því frá öllum öðrum Picea-tegundum), flagnar af í þunnum hreistrum. Greinar mjóar og stuttar.
     
Lýsing   Greinar grannar og stuttar. Árssprotar rauðleitir í fyrstu síðar rauðir með þétt, stinn hár, aðallega í grópunum. Brum egg-keilulega, kvoðug, brún, endabrum aðalgreina með sýllaga brumhlífar neðst, aðlægar, brumendar standa fram úr brumhlífunum. Barrnálar þéttstæðar ofan á greinunum, 8-15 mm langar, skærgrænar ofan og oftast með 1 loftaugaröð; daufgrænar neðan og með (2-)3(-5) loftaugaraðir; snubbóttar. Á ungum plöntum eru þær samt oftast yddar, ferkantaðar í þversnið, jafnháar og þær eru breiðar. Könglar sívalir-aflangir, 4-8 sm langir, fullþroska gljáandi, brúnir. Köngulhreistur bogadregin og trékennd, heilrend til dálítið trosnuð. Fræ með væng, 1 sm löng.
     
Heimkynni   Sakalin, Japan (Hokkaido).
     
Jarðvegur   Rakur, frjór, djúpur.
     
Sjúkdómar  
     
Harka   4
     
Heimildir   = 1,7,9
     
Fjölgun   Sáning, sumargræðlingar í þokuúðun, vetrargræðlingar.
     
Notkun/nytjar   Í þyrpingar, sem stakstæð tré, í skjólbelti, í limgerði, í beð.
     
Reynsla   Í Lystigarðinum er til eitt tré sem sáð var til frá 1994, gróðursett í beð 2004.
     
Yrki og undirteg.  
     
Útbreiðsla   Mjög harðgert, kemur líka fyrr í köldum og blautum jarðvegi í heimkynnum sínum. Ársprotar koma seint. Auðþekkt á rauðum, hærðum unggreinum.
     
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is