Jón Thoroddsen - Barmahlíð

Hlíðin mín fríða
hjalla meður græna
og blágresið blíða
og berjalautu væna,
á þér ástaraugu
ungur réð ég festa,
blómmóðir bezta!

Sá ég sól roða
síð um þína hjalla
og birtu boða
brúnum snemma fjalla.
Skuggi skauzt úr lautu,
skreið und gráa steina,
leitandi leyna.

Blómmóðir bezta,
beztu jarðargæða
gaf þér fjöld flesta
faðir mildur hæða.
Hver mun svo, er sér þig,
sálar þjáður dofa,
að gleymi guð lofa?

Hlíð, þér um haga
hlýr æ blási andi,
döggvi vordaga
dögg þig sífrjóvgandi!
Um þig aldrei næði,
af þér svo að kali,
vetur vindsvali!


Saxifraga hirsuta
Ættkvísl   Saxifraga
     
Nafn   hirsuta
     
Höfundur   L.
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Dúnsteinbrjótur
     
Ætt   Steinbrjótsætt (Saxifragaceae).
     
Samheiti  
     
Lífsform   Fjölær jurt, sígræn.
     
Kjörlendi   Sól, hálfskuggi.
     
Blómlitur   Hvítur/ gulir blettir við grunninn / bleikir blettir á miðjunni.
     
Blómgunartími   Júní-ágúst.
     
Hæð   10-30 sm
     
Vaxtarhraði  
     
 
Vaxtarlag   Sígrænn fjölæringur sem myndar skriðular, gisnar hvirfingar upp af jarðlægum sprotum.
     
Lýsing   Laufblaðkan 1,5-4 x 1-5 sm, nýrlaga til breiðoddbaugótt eða kringlótt, hár að minnsta kosti á efra borði, jaðrar venjulega með 2-3 tungur eða tennur á hvorri hlið, gegnsær kantur, lítt áberandi. Laufleggir yfirleitt 2-3 x lengri en blaðkan, næstum sívalir, hærður allan hringinn. Blómstilklar 12-40 sm háir. Krónublöð 3,5-4 mm, aflöng, hvít en venjulega með gula bletti við grunninn og nokkrar bleikar doppur um miðjunni.
     
Heimkynni   SV Evrópa, SV Írland.
     
Jarðvegur   Frjór, rakur.
     
Sjúkdómar  
     
Harka   6
     
Heimildir   1,2
     
Fjölgun   Skipting, sáning, græðlingar.
     
Notkun/nytjar   Sem undirgróður, í beð.
     
Reynsla   Í garðinum í N11 frá 2003, lifir hér 2015. Þarf jafnan og góðan raka á vaxtartímabilinu.
     
Yrki og undirteg.  
     
Útbreiðsla  
     
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is