Hulda - Úr ljóðinu Sorg
Þar sem blóm í laufalautum
ljúfu máli saman tala,
sem að ást og angur skilja, ?
blágresi og burknar grannir,
brönugrös og músareyra,
ljósberi og lækjarstjarna,
litlar fjólur, æruprísar,
gullmura og gleym-mér-eigi, ?
vildi ég mega minnast þín.
Ribes spicatum
Ættkvísl   Ribes
     
Nafn   spicatum
     
Höfundur   Robson.
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Rifs, rauðber
     
Ætt   Garðaberjaætt (Grossulariaceae).
     
Samheiti   Ribes spicatum Vis., Ribes spicatum subsp. pubescens Hyl.
     
Lífsform   Lauffellandi runni.
     
Kjörlendi   Sól, skjól, hálfskuggi.
     
Blómlitur   Grænn með brúnleita slikju.
     
Blómgunartími   Snemmsumars.
     
Hæð   1-2 m
     
Vaxtarhraði  
     
 
Rifs, rauðber
Vaxtarlag   Grófur, uppréttur runni, greinist frá grunni, allt að 2 m hár, greinar sléttar. Árviss berjaspretta, eldist illa. Líkist sólberjum.
     
Lýsing   Lauf allt að 10 sm í þvermál, kringlótt, grunnur þverstýfður eða grunnhjartalaga, skerðingar breiðar, 3-5 flipótt, hárlaus, stöku sinnum dúnhærð á neðra borði. Klasar uppréttir, verða fljótlega útstæðir eða ögn hangandi. Aðalleggur blómskipunar og leggir blóma kirtilhærðir og dálítið dúnhærðir. Blómin allt að 7 mm, græn með rauðbrúna slikju, bikar bollalaga, hringlaga innan, breikka ekki við grunninn. Berin hálfglær, rauð.
     
Heimkynni   N Evrópa & N Asía (Skandinavía til Mansjúríu).
     
Jarðvegur   Frjór og rakaheldinn.
     
Sjúkdómar   Ryðsveppur, rifslús.
     
Harka   3
     
Heimildir   1
     
Fjölgun   Sáning, sumargræðlingar (vetrargræðlingar).
     
Notkun/nytjar   Í limgerði, í þyrpingar, sem stakstæður runni, í blönduð trjá og runnabeð.
     
Reynsla   Í Lystigarðinum er ein plant, ekki með neinn uppruna, kelur ekkert og er um 1,7 m hár, var með talsvert af berjum 2011. Er á of þurrum og skuggsælum stað. Auk þess þrjár plöntur sem sáð var til 1980 og ein sem sáð var til 1982. Allt fræið var frá Moskvu. Plönturnar kala ekkert, eru umfangsmiklar og 1,5-2 m háar 2011. Þær eru allar á of þurrum stað og í of miklum skugga. Vex nánast hvar sem er. Berjaspretta árviss en minnkar sé runninn ekki grisjaður reglulega - fjarlægja eldri greinar.
     
Yrki og undirteg.  
     
Útbreiðsla  
     
Rifs, rauðber
Rifs, rauðber
Rifs, rauðber
Rifs, rauðber
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is