Hulda - ┌r ljˇ­inu Sorg
Þar sem blóm í laufalautum
ljúfu máli saman tala,
sem að ást og angur skilja, ?
blágresi og burknar grannir,
brönugrös og músareyra,
ljósberi og lækjarstjarna,
litlar fjólur, æruprísar,
gullmura og gleym-mér-eigi, ?
vildi ég mega minnast þín.
Frˇ­leikur
Í greinasafni er að finna margvíslegan fróðleik um ýmislegt sem lýtur að garðyrkju. Greinaflokkar eru valdir hér að neðan. Undir hverjum flokki eru síðan fjölmargar greinar eftir ýmsa höfunda.

Góða skemmtun.
1996 - Endursko­un ß rekstri

Umhverfisnefnd Akureyrar.

Tillaga um endurskoðun á rekstri Lystigarðsins.

Að undanförnu hefur Þórður Guðbjörnsson hjá hagsýsludeild Akureyrarbæjar unnið að end­urskoðun á rekstri Lystigarðs Akureyrar og hefur umhverfis­deild rætt tillögur Þórðar á fundi sínum 8. febrúar sl.

Umhverfisnefnd leggur eftir­farandi til á grundvelli tillagna Þórðar:

  1. Að sagt verði upp samningi um þjónustu grasafræðings við garðinn. Þessi þjónusta er nú keypt af Náttúrufræðistofnun Ís­lands, setrinu á Akureyri.
  2. Að ráðinn verði til Lysti­garðsins grasa- og/eða líffræðing­ur með garðyrkjumenntun í fullt starf.

Orðrétt segir um þetta í bókun umhverfisnefndar: "Í fjárhags­áætlun Lystigarðsins fyrir árið 1996 eru kr. 1.000.000, sem merkt er sérstaklega fyrir grasafræði­þjónustu. Með því að segja upp samningnum við Náttúrufræði­stofnun og ráða í staðinn starfs­mann í fullt starf til þess að sinna þessum störfum má betur nýta það fjármagn sem Lystigarðinum er ætlað og jafnframt að bæta úr brýnni þörf fyrir grasa- og/eða garðyrkjufræðing í garðinum. Verði þessi breyting framkvæmd frá og með 1. maí 1996 nýtist áætlað fjármagn til launagreiðslna fyrir árið 1996, en gera má ráð fyrir aukningu u.þ.b. kr. 500.000 á árinu 1997, þar sem starfsmaður­inn verður þá í vinnu allt árið. Til­laga þessi er gerð í fullu samráði við forstöðumann Náttúrufræði­stofnunar Íslands, setursins á Akureyri. Þrátt fyrir sex mánaða uppsagnarfrest, er því samkomulags­atriði hvenær þjónustunni verði hætt."

Bæjarráð Akureyrar hefur sam­þykkt að heimila ráðningu grasa­- eðalíffræðings að Lystigarðinum, eins og Dagur greindi frá í punktum úr bæjarráði sl. föstudag, en tekur fram við umhverfisnefnd, að ekki sé hægt að vænta viðbótar­fjárveitingar vegna launakostnaðar hjá Lystigarðinum. Í starfslýs­ingu verði ákvæði um að starfs­svið einskorðist ekki við Lysti­garðinn.

óþh

Dagur 23.02 1996

Til baka

Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is