Sigfús Dađason - Vćngjasláttur
Akureyri
mjög skreytt
reynitrjám.

Sá sem gengi um bæinn
á septemberkvöldi:
dimmur skuggi innfjarðarins
fylgdi honum á aðra hönd hvar sem hann færi,
lifandi, kvikur!
Sálarspegill!

Heilagur lundur
rís í hæðir.
Og gangi maður í lundinn
er hann þar einn með sjálfum sér.

Það gustar um limið
og fuglarnir í björtum trjákrónunum
fælast skóhljóð einmanans
og hviðra með vængjaslætti
yfir höfði hans og úti í myrkrinu.

Og upp fyrir honum rennur þá: hvílík
sú dýrð sem einmananum hlotnast.



Fréttir

4.5.2018
Vinnuvélarpróf í dag!
Starfsmenn Jóna og Eva komnar með vinnuvélaréttindi á Avant liðlétting. Hér eru þær með prófdómara Hannesi frá Vinnueftirlítinu. Núna er allt að verða klárt fyrir mikla beðahreinsun!

13.12.2017
Ný Led ljós í Garđskálanum haust 2017
Ný led ljós komu í september 2017 Ljós eru bæði í lofti og bogum, hægt er að breyta mum lit. Eins og ein gestur sagði ' afskaplega vel heppnað hjá ykkur'og erum við starfsmenn alveg sammála því.
22.8.2007
Grasagarđurinn 50 ára - ágúst 2007
Upphafið 1909-1912

Lystigarðsfélagið var stofnað 1909 og stuðlaði það félag meðal annars að sköpun og ræktun Lystigarðsins sem opnaður var formlega árið 1912. Í lögunum félagsins var gert ráð fyrir fimm manna stjórn er skipti sjálf með sér störfum. Fyrsta stjórnin var kjörin og skipuð eingöngu konum. Frú Sigríður Sæmundsson formaður, frú Alma Thorarensen gjaldkeri og frú Anna Stephensen ritari. Í framkvæmdanefnd voru kosnar þær frú María Guðmundsson og frú Anna Catharine Schiöth. Sáu konurnar um fjáröflun til rekstrar garðsins og varðandi skipulagið kom að góðum notum sú reynsla og þekking sem frú Anna Schiöth hafði kynnst í heimalandi sínu Danmörku. Talið er að Anna hafi séð um teikningu upprunalega hluta Lystigarðsins og fyrirkomulag og var raunar lífið og sálin í öllum framkvæmdum innan félagsins hin fyrstu ár.


Fleiri fréttir
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is