Halldór Kiljan Laxness - Heimsljós

"Fegursta blómið, það lifir í huldum stað, fæstir fá nokkurntíma að sjá það, mörgum sést yfir það, nokkrir kunna ekki skil á gildi þess, þeir sem uppgötva það munu ekki sjá annað blóm síðan. Allan daginn hugsar maður um það. Þegar maður sefur dreymir mann það. Maður deyr með nafn þess á vörum."

Rosa 'Poppius'
Ættkvísl   Rosa
     
Nafn  
     
Höfundur  
     
Ssp./var  
     
Höfundur undirteg.  
     
Yrki form   'Poppius'
     
Höf.   (Carl Stenberg um1850) Svíþjóð.
     
Íslenskt nafn   Páfarós
     
Ætt   Rósaætt (Rosaceae).
     
Samheiti   R. spinosissima 'Poppius', "Gotlandsrosen", Rosa pimpinellifolia L. ‘Poppius Stenbergii’, Rosa stenbergii.
     
Lífsform   Lauffellandi runni.
     
Kjörlendi   Sól (-hálfskuggi).
     
Blómlitur   Skærbleikur.
     
Blómgunartími   Júlí-september.
     
Hæð   Allt að 150(-180) sm
     
Vaxtarhraði  
     
 
Páfarós
Vaxtarlag   Smágerður þéttgreinóttur en kröftugur runni um 100-150 sm á hæð og breidd, skríður lítillega, greinar þyrnóttar neðantil en færri þyrnar úteftir greinum, þyrnar beinir og stuttir með litlum fæti.
     
Lýsing   Foreldrar eru líklega Rosa pimpinellifolia L. x R. pendulina. Þetta er þyrnirósarblendingur en uppruni hennar er ekki alveg ljós. Runninn er uppréttur, kröftugur, verður 150 sm hár, getur orðið hærri eða um 300 og 250 sm breiður, greinar eru rauðbrúnar, fáir þyrnar. Laufið er skærgrænt, ljóst og smátt. Runninn myndar mikið af miðlungi stórum, skærbleikum, formfallegum, hálffylltum blómum, sem ilma lítið sem ekkert og minna á blóm á gömlum runnarósum. Blómin standa stök en þau eru fjölmörg. Hann blómstrar mest um hásumarið en dálítið af blómum getur komið fram eftir sumri. Blómin fá á sig bláleitan blæ þegar þau taka að sölna. Myndar fallegar, dökkrauðar nýpur að haustinu. Blómin koma á fyrra árs greinar og því á að klippa hana að blómgun lokinni en ekki á vorin.
     
Heimkynni   Yrki.
     
Jarðvegur   Djúpur, frjór, framræstur, sendinn.
     
Sjúkdómar  
     
Harka  
     
Heimildir   Thørgersen, C.G. 1988: Synopsis of Broadleved Trees and Shrubs cultivable as Ornamentals in Boreal Sweden Umeå http://www.aurora.pp.fi/annesgarden/rosa http://www.hesleberg.no http://www.roseexpert.no/nordic.htm http://www.rydlingeplantskola.se/?
     
Fjölgun   Sumargræðlingar, rótarskot.
     
Notkun/nytjar   Harðgerð og nægjusöm rós. Getur þrifist á mjög harðbýlum stöðum þar sem er óblíð veðrátta, langir, kaldir og stormsamir vetur með stutt sumur og lágur sumarhiti. Hún blómstrar hvert sumar við þessar aðstæður, þótt hún nái aðeins 30-40 sm hæð. Sólríkur vaxtarstaður, ein planta á m². Best er að hún sé á eigin rót. Hún þolir miklar rigningar og er höfð stök, í limgerði og í almenningsgarða.
     
Reynsla   Þessi rós hefur verið í Lystigarðinum frá 1981, kelur lítið sem ekkert. Hún vex vel og blómstrar mikið árlega. Er líka í görðum á Akureyri og víðar, þrífst vel og blómstrar mikið. Fallegar nýpur sem eru lengi á runnanum.
     
Yrki og undirteg.  
     
Útbreiðsla   AÐRAR UPPLÝSINGAR: Rosa 'Poppius' hefur verið lengi í ræktun í Svíþjóð. Þrífst mjög vel hér á landi, skríður dálítið. Þetta er yrki af R. x reversa með fyllt, bleik blóm sem koma snemma. Plantan var ræktuð af Carl Stenberg í Svíþjóð um 1850. Talið er að rósinni hafi verið gefið nafnið ‘Poppius’ til að heiðra Gabriel P. Poppius (1770-1856), sem var finnskur grasafræðingur.
     
Páfarós
Páfarós
Páfarós
Páfarós
Páfarós
Páfarós
Páfarós
Páfarós
Páfarós
Páfarós
Páfarós
Páfarós
Páfarós
Páfarós
Páfarós
Páfarós
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is