Ólafur Jóhann Sigurðsson - Á vordegi
Grundin eignast gullinn fífil,
geislafingur hlýir strjúka
lambakóng með lítinn hnýfil,
lambagrasið rauða og mjúka.

Vappar tjaldur, vellir spói,
verpir í broki mýrispýta.
Bráðum kveikir fenjaflói
fífublysið mjallahvíta.

Bráðum mun í morgunstillu
meðan þokan kveður dranga
ljósberi hjá lágri syllu
lyfta kolli til að anga.

Blíða daga, bjartar nætur
bugðast á með tærum hyljum
eftir laut sem litlir fætur
lásu forðum berum iljum.


Rhododendron camtschaticum
Ættkvísl   Rhododendron
     
Nafn   camtschaticum
     
Höfundur   Pall.
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Dverglyngrós
     
Ætt   Lyngætt (Ericaceae).
     
Samheiti  
     
Lífsform   Runni.
     
Kjörlendi   Sól, hálfskuggi.
     
Blómlitur   Bleikpurpura.
     
Blómgunartími   Snemmsumars.
     
Hæð   10-20 sm
     
Vaxtarhraði  
     
 
Vaxtarlag   Skriðull, jarðlægur runni, allt að 20 sm hár.
     
Lýsing   Ungir sprotar eru með löng kirtilhár. Lauf 3-5 sm, meira eða minna öfugegglaga, hár á miðstreng og jöðrum eru með kirtil á oddinum, sem dettur af með tímanum. Blómin stök eða tvö saman, endastæð á greinunum. Stoðblöð græn, minna á laufblöð. Bikar skiptur næstum alveg að grunni í 5 aflanga flipa, allt að 1,8 sm langa, með kirtilhár. Króna allt að 2,5 sm mjög breið-bjöllulaga, krónupípan klofin næstum alveg niður á neðri hliðinni, bleik-purpura, hærð á ytra borði. Fræflar 10, eggleg með stutt hár, stíll hærður við grunninn. Fræhýði allt að 1 sm, með stutt hár.
     
Heimkynni   Alaska og sá hluti USSR sem er næstur Alaska.
     
Jarðvegur   Meðalrakur, lífefnaríkur, vel framræstur
     
Sjúkdómar  
     
Harka   5
     
Heimildir   1, 7
     
Fjölgun   Sumargræðlingar, sveiggræðsla.
     
Notkun/nytjar   í þyrpingar, runnabeð, steinhæð.
     
Reynsla   Engin reynsla enn, sáð í Lystigarðinum 2010.
     
Yrki og undirteg.  
     
Útbreiðsla  
     
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is