Ólafur Jóhann Sigurðsson - Á vordegi
Grundin eignast gullinn fífil,
geislafingur hlýir strjúka
lambakóng með lítinn hnýfil,
lambagrasið rauða og mjúka.

Vappar tjaldur, vellir spói,
verpir í broki mýrispýta.
Bráðum kveikir fenjaflói
fífublysið mjallahvíta.

Bráðum mun í morgunstillu
meðan þokan kveður dranga
ljósberi hjá lágri syllu
lyfta kolli til að anga.

Blíða daga, bjartar nætur
bugðast á með tærum hyljum
eftir laut sem litlir fætur
lásu forðum berum iljum.


Polygonum bistorta
Ættkvísl   Polygonum
     
Nafn   bistorta
     
Höfundur   L.
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Slöngusúra
     
Ætt   Súruætt (Polygonaceae).
     
Samheiti   Réttara: Persicaria bistorta (L.) Samp.
     
Lífsform   Fjölær jurt.
     
Kjörlendi   Sól, hálfskuggi.
     
Blómlitur   Bleikur eða hvítur.
     
Blómgunartími   Júlí-ágúst.
     
Hæð   60 sm
     
Vaxtarhraði  
     
 
Slöngusúra
Vaxtarlag   Hárlaus fjölæringur, allt að 60 sm hár, jarðstöngull kröftugur. Lauf 10-20 sm, egglaga til aflöng, snubbótt, þverstýfð við grunninn, jaðrar bylgjaðir. Laufleggur langur, með væng ofantil, stöngullauf þríhyrnd, langydd, legglaus, axlablöð allt að 6 sm, brún.
     
Lýsing   Blóm í þéttum, sívölum öxum, legglaus, 2-5 sm, bleik eða hvít. Blómhlífarflipar 4-5 mm. Aldin 5 mm.
     
Heimkynni   Evrópa, N & V Asía.
     
Jarðvegur   Frjór, rakur, djúpur.
     
Sjúkdómar  
     
Harka   4
     
Heimildir   1
     
Fjölgun   Skipting, sáning.
     
Notkun/nytjar   Sem undirgróður, í skrautblómabeð, sem stakstæð planta. Þarf uppbindingu.
     
Reynsla   Harðgerð, auðræktuð en nokkuð breytileg tegund (H.Sig.)
     
Yrki og undirteg.   'Superbum' meira en 75 sm há planta, blómin í þéttu axi, alpafjólubleik. Yrki. Til í Lystigarðinum 2015, bæði planta frá 1991 og önnur sem sáð var til 2001 og gróðursett í beð 2004. Myndirnar eru af P. bistorta 'Superbum'.
     
Útbreiðsla  
     
Slöngusúra
Slöngusúra
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is