Jón Helgason - Úr ljóðinu Áfangar
Séð hef ég skrautleg suðræn blóm
sólvermd í hlýjum garði;
áburð og ljós og aðra virkt
enginn til þeirra sparði;
mér var þó löngum meir í hug
melgrasskúfurinn harði,
runninn upp þar sem Kaldakvísl
kemur úr Vonarskarði.
Polygonum affine
Ættkvísl   Polygonum
     
Nafn   affine
     
Höfundur   D. Don.
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Breiðusúra
     
Ætt   Súruætt (Polygonaceae).
     
Samheiti  
     
Lífsform   Hálfrunni, fjölær.
     
Kjörlendi   Sól, hálfskuggi.
     
Blómlitur   Purpurarauður.
     
Blómgunartími   Júlí-september.
     
Hæð   10-15 sm
     
Vaxtarhraði  
     
 
Breiðusúra
Vaxtarlag   Hálfrunni, 10-15 sm hár. Jarðstönglar láréttir, trékenndir. Greinar í þéttum brúsk, sívalar, jurtkenndar, hárlausar. Grunnlauf með stuttan legg, laufblaðkan grágræn neðan, græn ofan, öfuglensulaga eða lensulaga, 5-10 x 1-1,8 sm, hálf-leðurkennd, hárlaus bæði ofan og neðan. miðtaugin stór, grunnur mjó-fleyglaga, jaðar niðurorpinn, hvassydd. Stöngullauf næstum legglaus, minni, himnupípa brún, pípulaga, um 1 sm, himnukennd, strengir margir, hárlausir, skakkydd, ekki kögruð, oftast tannflipótt.
     
Lýsing   Blómskipunin endastæð, axlaga, þétt, stór, 3-6 sm, 1-1,5 sm í þvermál, stoðblöð egglaga, himnukennd, blómleggir lengri en blómhlífin. Blómhlífin purpurarauð, 5-deild, blómhlífarblöð öfugegglaga, um 4 mm. Fræflar 8, frjóhnappar purpura. Stílar 3, samvaxnir neðst. Fræni hnúðlaga. Fræhnotir inni í langærri blómhlífinni, dökkbrún, glansandi, oddvala, þrístrend, um 3 mm, grunnur mjó-fleyglaga, hvassydd.
     
Heimkynni   Himalaja.
     
Jarðvegur   Sendinn, grýttur, vel framræstur.
     
Sjúkdómar  
     
Harka   3
     
Heimildir   = 1, www.efloras.org/florataxon.aspx?flora-id=2&taxon-id=242339448, Flora of China
     
Fjölgun   Sáning, skipting.
     
Notkun/nytjar   Sem undirgróður, í þekju, í beð, í steinhæðir.
     
Reynsla   Meðalharðgerð planta - á það til að vera skammlíf í ræktun, góð til afskurðar og þurrkunar. Hefur verið til í Lystigarðinum um tíma, er ekki þar 2015. Myndirnar eru teknar erlendis.
     
Yrki og undirteg.   Fjölmörg yrki í ræktun erlendis og einhver þeirra hérlendis.
     
Útbreiðsla  
     
Breiðusúra
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is