Sigf˙s Da­ason - VŠngjaslßttur
Akureyri
mjög skreytt
reynitrjám.

Sá sem gengi um bæinn
á septemberkvöldi:
dimmur skuggi innfjarðarins
fylgdi honum á aðra hönd hvar sem hann færi,
lifandi, kvikur!
Sálarspegill!

Heilagur lundur
rís í hæðir.
Og gangi maður í lundinn
er hann þar einn með sjálfum sér.

Það gustar um limið
og fuglarnir í björtum trjákrónunum
fælast skóhljóð einmanans
og hviðra með vængjaslætti
yfir höfði hans og úti í myrkrinu.

Og upp fyrir honum rennur þá: hvílík
sú dýrð sem einmananum hlotnast.



Frˇ­leikur
Í greinasafni er að finna margvíslegan fróðleik um ýmislegt sem lýtur að garðyrkju. Greinaflokkar eru valdir hér að neðan. Undir hverjum flokki eru síðan fjölmargar greinar eftir ýmsa höfunda.

Góða skemmtun.
Haustfrßgangur

Að hausti þarf að huga að ýmsum hlutum. Sumt er gert rétt fyrir fyrstu frost. M.a. þarf þá að taka upp dahlíur (glitfífla) og þær rósir sem taldar eru of viðkvæmar til að lifa af veturinn úti við. Dahlíuhnýðin eru stýfð, þurrkuð og síðan pakkað inn í striga og síðan komið fyrir á svölum stað yfir veturinn. Stúlkur við hreinsun í uppeldisreitum að haustiRósum er skýlt úti eða þær settar í poka eða stóra potta og fluttar inn í gróðurhús þar sem þær fá tækifæri á að ganga betur frá sér fyrir veturinn. Einnig þarf þá að taka inn öll uppbindiprik sem notuð hafa verið að sumrinu til að binda upp og styðja við fjölæru plönturnar víðsvegar um garðinn.

Þegar eftir fyrstu frost þarf síðan að setja skýli yfir íslensku tjörnina og nykurrósatjörnina, skýla rósum og sígrænum gróðri sem eru víða í beðum. Hlúð er að rósum með því að hreykja mold og laufi upp að stofnum þeirra. Þær síðan vafðar inn í striga. Sígrænum gróðri er skýlt með striga með þeim tilgangi að skýla þeim fyrir sterkri vorsólinni, þannig að þær sólbrenni ekki. Viðkvæmum plöntum í íslenska beðinu er skýlt með laufi og netum og auk þessa viðkvæmum plöntum víðar um garðinn.

Að haustinu er einnig rakað upp lauf þar sem það hefur safnast saman í óhóflega miklu magni og lauf síðan notað í skýlingar á viðkvæmum gróðri. Einnig er það útplöntunartími haustlauka og einnig er fjölærum plöntum og trjám og runnum oft plantað eða umplantað að hausti.

Stórri haustsáningu er sáð á hverju hausti og tekur það ekki hvað síst tíma, bæði undirbúningur og annað sem því tilheyrir (sjá nánar um sáningar á annarri síðu).

BSt. 2001

Til baka

Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is