Jˇn Thoroddsen - BarmahlÝ­

Hlíðin mín fríða
hjalla meður græna
og blágresið blíða
og berjalautu væna,
á þér ástaraugu
ungur réð ég festa,
blómmóðir bezta!

Sá ég sól roða
síð um þína hjalla
og birtu boða
brúnum snemma fjalla.
Skuggi skauzt úr lautu,
skreið und gráa steina,
leitandi leyna.

Blómmóðir bezta,
beztu jarðargæða
gaf þér fjöld flesta
faðir mildur hæða.
Hver mun svo, er sér þig,
sálar þjáður dofa,
að gleymi guð lofa?

Hlíð, þér um haga
hlýr æ blási andi,
döggvi vordaga
dögg þig sífrjóvgandi!
Um þig aldrei næði,
af þér svo að kali,
vetur vindsvali!


Frˇ­leikur
Í greinasafni er að finna margvíslegan fróðleik um ýmislegt sem lýtur að garðyrkju. Greinaflokkar eru valdir hér að neðan. Undir hverjum flokki eru síðan fjölmargar greinar eftir ýmsa höfunda.

Góða skemmtun.
1986 - Nßtt˙rufrŠ­istofnun Nor­urlands stofnu­.

Á fundi bæjarráðs Akureyrar í fyrradag var samþykkt að leggja til við bæjarstjórn að Náttúrugripasafnið í bænum og Lystigarðurinn yrðu sameinuð í eina stofnun, Náttúrufræðistofnun Norðurlands og að sameining­in taki gildi um mitt næsta ár.

Helsta breytingin sem þetta felur í sér er að ráðinn verður einn for­stöðumaður fyrir stofnunina. Hugmyndin með þessu er einnig að efla starf á sviði náttúruvísinda á Norðurlandi og er reiknað með að stofnunin geti tekið að sér verk­efni á vegum ríkis og sveitarfélaga.

Áhugi er á því að leita eftir því við önnur sveitarfélög á Norður­landi að þau komi inn í stofnunina - taki þátt í starfi hennar að ein­hverju leyti -

Þessi tillaga verður lögð fyrir bæjarstjórnarfund á þriðjudaginn og reikna verður með því að hún verði samþykkt.

Mbl. 15. nóv. 1986

Til baka

Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is